Magnetoz – 02 Berlimas-limas Dahulu Berkubus-kubus Kemudian (Sunda)

Berlimas-limas dahulu, berkubus-kubus kemudian. Naon tah hartina, dulur-dulur. Meureun dina Basa Sunda mah jadi “Limas-limasan heula, kubus-kubusan saenggeusna”. Meni maksa pisan nya, haha. Yu ah, ameh ngarti naon maksudna, urang tingali keur naraon tah ieu mekanik-mekanik leutik teh.

Saenggeus bahan-bahanna kakumpul jeung diberesan rapih, management ngajelaskeun ka tim Garasi, yen ieu stik semprani jeun bola beusi teh rek dipake jang coco’oan edukasi sains anu ngarana Magnetoz, Magnetic Construction Toyz. Ku ieu Magnetoz, ternyata bisa dijieun macem-macem bentuk geometri naon wae anu dikahayang ku urang. Sakaligus urang bisa bari diajar konsep sains nu aya dina semprani make cara anu pikaresepeun.

Bisa dijieun naon wae sih ieu Magnetoz teh nya? Hayu urang tingali gawean mekanik-mekanik leutik di Garasi.

Wah hade gening nya. Ternyata bisa dijieun jadi Limas Sagitilu atawa disebut oge Tetrahedron. Ngan make 6 stik semprani jeung 4 bal beusi. Jeung nu matak hade teh kieu dulur-dulur, jang barudak nu karek diajar bangun ruang di sakolana, ieu coco’oan edukasi teh pas pisan. Soalna stik semprani ieu teh sabenerna mah rusuk, terus bal beusi teh sabenerna mah titik sudut. Jadi bentuk Limas Sagitilu teh boga 6 rusuk jeung 4 titik sudut. Salian ti eta, barudak oge jadi leuwih gampang ngabayangkeun bangun ruang 3 dimensi, dibandingkeun jeung gambar ilustrasi anu aya di kertas atawa buku.

Salian ti Limas Sagitilu, bisa dijieun naon deui nya?

Wah… ternyata bisa oge dijieun jadi Kubus. Ngan make 12 stik semprani jeung 8 bal beusi. Make ieu, urang jadi gampang pisan bisa nangtukeun jeung ngarti yen Kubus teh boga 12 rusuk jeung 8 titik sudut. Hade pan nya… diajar bangun ruang jadi henteu boring deui jadina.

Jadi eyeuna jadi jelas pan nya, naha judulna “Berlimas-limas dulu, berkubus-kubus kemudian” hahaha.

Saksikeun bentuk-bentuk nu lain nu bakal dijieun ku mekanik-mekanik leutik ieu di Episode nu hareup, insyaaAllah.

| Episode 1 | 2 |


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create a website or blog at WordPress.com

Up ↑

%d bloggers like this: