Di episode ka hiji ieu, Kang Tatang jeung bulldozerna kudu berjibatu alias berjuang jeung batu (hampura mun garing nya bageur, haha) keur neangan hiji hal. Naon tah nu keur diteangan teh? Kieu komentar Kang Tatang,
Ieu teh instruksi ti management. Kaputusanna geus pinal. Simkuring mah ngalaksanakeun weh.
Oohhh….kitu kang. Inpormatip sekalih si Kang Tatang inih. Singkat, padet. Okeh, berhubung Kang Tatang sepertinyah keur rada sibuk berjibatu, hayu urang ka Kang Wawan weh, sigana keur neangan hiji hal oge.
Sumuhun, saya sama Kang Tatang teh nuju milarian dua jenis bahan. Nu hiji mah bentukna jiga stik, nu hiji deui jiga bal. Ceuk si Babeh mah ieu teh bahan-bahan jang nyieun coco’oan edukatip cenah.
Kitu penjelasan ti Kang Wawan. Hayu urang tanyakeun deui ka Kang Ujang nu sigana keur mariksa eta bahan.
Geningan eta bahan teh geus mimiti kakumpul. Ku Kang Ujang dipariksa keur mastikeun eta bahan tah pas kana standar kasalametan anu aya. Kieu inpormasi ti Kang Ujang,
Rek leutik rek gede, tetep septi-na kudu diperhatikeun atuh.
SEPTI | Safety
Tina hasil inspeksi Kang Ujang, geus lumayan rada jelas yeuh dulur-dulur, yen anu keur dikumpulkeun ku mekanik-mekanik leutik ieu teh nyaeta dua jenis bahan nu bakal digunakeun jang coco’oan edukatip. Bahan nu kahiji mangrupa stik semprani neodymium. Bahan nu kadua nyaeta bal beusi. Coco’oan edukatip jiga kumaha nya nu rek digawean ku maranehna teh?
Baca kalanjutanna di Episode ka-2:
| Episode 1 | 2 |
Little Mechanic 
Leave a Reply